ನಿಮ್ಮ ಮತ ಯಾರಿಗೆ????

ದೇಶದ ಭವಿಷ್ಯ ನಿರ್ದರಿಸುತ್ತೆ ನಮ್ಮ ಈ ಚುನಾವಣೆ. ಐದು ವರ್ಷ ಕಾಣೆಯಾಗಿರೊ ರಾಜಕಾರಣಿಗಳೆಲ್ಲ ದೇವಸ್ಥಾನದ ದೇವರ ದರ್ಶನಕ್ಕೆ ಬಂದ ಹಾಗೆ ಎಲ್ಲಾರ ಮನೆಗಳಿಗೆ ಬರ್ತಾರೆ. ಪಾಂಪ್ಲೇಟ್ ಎನ್ ಕೆಳ್ತೀರ, ಜಯಕಾರಗಳ್ನ ಎನ್ ಕೆಳ್ತೀರ, ಆ ಆಶ್ವಾಷಣೆಗಳ್ನ ಎನ್ ಕೇಳ್ತೀರ. ಅಬ್ಬ ಅಬ್ಬ ಅಬ್ಬ. ನೋಡ್ಬೆಕು ನೀವು ಆ ಸಮಯದಲ್ಲಿ ರಾಜಕಾರಣಿಗಳ ಮುಗ್ಧತೆ, ಸಹಾಯ ಮನೋಭಾವನೆನ. ಇದೆಲ್ಲ ಚುನಾವಣೆ ಸಮಯದಲ್ಲಿ ನಾನ್ ಕಂಡಿದ್ದು. ಮಾಮೂಲಿ, ಎಲ್ಲಾ ಕಡೆ ನಡೆಯೋದೆ.

ಈ ಗಲಾಟೆಗಳ ನಡುವೆ ಒಬ್ಬ ಬಡ ಪ್ರೇಮಿ ಈ ಸಮಯವನ್ನ ತನಗನುಕೂಲವಾಗುವಂತೆ ಹೇಗೆ ಬಳುಸ್ಕೊಬಹುದು ಅಂತ ಯೋಚುಸ್ದಾಗ ಈ ನಾಲ್ಕು ಸಾಲಿನ ಹನಿಗವನ ಮನಸ್ಸಿಗೆ ಬಂತು. ಕಮಲ, ಕೈ, ಹೊರೆ ಹೊತ್ತ ಮಹಿಳೆ, ಆನೆ, ಎಣಿ ...... ಎಷ್ಟು ಇವೆ ಅಲ್ವ ಈ ಪಕ್ಷದ ಚಿನ್ಹೆಗಳು. ಇದ್ರಲ್ಲಿ ಒಂದು ಚಿನ್ಹೆನ ಉಪಯೋಗಿಸಿ ಎನೊ ಬರ್ದಿದ್ದೀನಿ. ಬೇರೆ ಎನಾದರು ಅನ್ಸುದ್ರೆ ಮತ್ತೆ ಬರೀತೀನಿ:)



ಹೊರಟೆ ಗಮಗಮಿಸುವ ಹೂವ ಹಿಡಿದು ಆಕೆಯ ಮನೆಗೆ

ಹೇಳುವನಿದ್ದೆ ಮನದಾಳದಿಂದ ನನ್ನ ಪ್ರೇಮವ ಆಕೆಗೆ

ಬಾಗಿಲು ತೆರೆದು ಬಂದರು ಭದ್ರ ಕಾಳಿಯಂತೆ ಅವಳ ತಾಯಿ ಆಚೆಗೆ

ಹೆದರಿ ತೊದಲುತ ವದರಿದೆ "ಅ ಅ ಅ ... ಆಂಟಿ ಹಾಕಿ ನಿಮ್ಮ ಮತ ಬಿಜೆಪಿಗೆ"